Í gær fékk ég hugmynd sem ég er búinn að vera að melta í dag og hef nú ákveðið að framkvæma. Ég ætla að taka myndir af 1000 mönnum, konum, strákum, stelpum, systrum, bræðrum, dætrum, sonum, mæðrum, feðrum, öfum, ömmum, samstarfsmönnum, vinum, ókunnugum, þjóðþektum og nýfæddum einstaklingum og gefa út í formi ljósmyndabókar. Ég áætla mér fjögur ár í þetta verkefni, sem þýðir að þið megið búast við bókinni einhvern tíman árið 2010.

Ef þú hefur áhuga á að vera á mynd mátt þú endilega setja komment á þetta blogg eða hringja í mig í síma 862-1818 og ég kem og mynda þig.

Skoða myndir sem hafa verið teknar!

Lesa meira »
(Engin ummæli)

Ég brá mér á tónleika Sálarinnar og Gospelkórs Reykjavíkur í Laugardalshöll í kvöld. Ég hef aldrei verið mikill aðdáandi Sálarinnar en þessir tónleikar voru allgjör snilld og ég mun heyra þá með öðrum eyrum hér eftir. Ég smellti nokkrum myndum á tónleikunum og lét inn á flickerinn minn.

Myndir:
Sálin og Gospelkór Reykjavíkur

Lesa meira »
(Engin ummæli)

Þeir sem vilja tryggja sér fjósadraug verða að vera snarir í snúningum, því nú eru einungis sárafáir eftir.

Fjósadraugar eru tilvaldir í fjósið, á skrifstofuna, í stofuna eða í útileguna. Henta hvar sem er. Þeir eru seldir á sérstöku tilboðsverði, 2999 krónur! Svo minni ég auðvitað á hina feikivinsælu X boli sem eru að verða að alþjóðlegu tískufyrirbæri og fást hjá mér og Arnóri. (Sjá neðar á síðunni)

Kaupa fjósadraug!

Lesa meira »
(Engin ummæli)

Ég brá mér ásamt fríðu föruneyti austur á land á föstudaginn til að skoða framkvæmdirnar við Kárahnjúka. Á leiðinni keyrðum við fram hjá Hnefilsdal og ég bara varð að setja þessa mynd inn. Það eru ekki allir sem eiga dal sér til heiðurs. Svo eru líka til Örlygsstaðir. Ég set mynd af mér við Örlygsstaðaskiltið fljótlega þegar ég er búinn að fara og mynda mig við það líka.

Lesa meira »
(Engin ummæli)

Ég og Ingimar brugðum undir okkur betri fætinum í morgun og héldum inn í Fnjóskadal þar sem verið var að rétta í Lokastaðarétt. Ég var sérlegur fulltrúi Fréttablaðsins á staðnum og Ingimar var fyrir NFS, enda var bíllinn svo búinn af tækjum að ætla hefði mátt að við værum á leið á leiðtogafundinn í Höfða árið 1986. Ég sýndi mitt sanna sveitaeðli og dró tvær kindur. Þá smellti ég af eitthvað á þriðja hundrað mynda og verða einhverjar þeirra í Fréttablaðinu á næstu dögum. Hér eru nokkrar til að hita upp.

Myndir:
Líf og fjör í Lokastaðarétt (tekið sunnudaginn 10. september)

Annars er það að frétta að ég er á fullu í lögfræðinni og verð í stórum prófum meira og minna í allan vetur. Og já, svo átti Dagrún afmæli í gær og til að samgleðjast og fagna afmælisbarninu fóru ég og Dagný í leiðangur og keyptum ótrúlega magnaða afmælisgjöf. Það var risatunna full af nammi og ýmiskonar smáhlutum. Enda má segja að Dagrún hafi fengið áfall þegar við mættum óvænt í sveitina til hennar með allar gjafirnar í gær. Okkur var auðvitað boðið í mat og snæddum við hið besta svínakjöt og franskar með.

Ég er á Laugum núna og er að spá í að halda til Akureyrar hvað og hverju, enda hressandi skóli á morgun. Yfir og út!

Lesa meira »
(Engin ummæli)