Ég hef komist að því að svefn er ofmetinn. Ef maður sleppir því að sofa hefur maður svo miklu meiri tíma. Verst að þá verður maður svo ringlaður að maður skrifar bananani í staðin fyrir banani. En það er ásættanlegt fórnargjald.

Það sem gerðist í vikunni: Ég fór á stefnumót við rússa, ég fór á stefnumót við máf, ég hjólaði heila nótt og ég bjó til blað. Líf mitt er gríðarlega spennandi og viðburðaríkt.

Lesa meira »
(Engin ummæli)

Ég vaknaði um 10 í morgun en þar sem ég þurfti ekki að mæta í vinnuna fyrr en eftir hádegi ákvað ég að skreppa í Kringluna og skoða verslanir. Það var ekki á stefnuskránni að kaupa neitt sérstakt en áður en ég vissi af var ég búinn að festa kaup á einum forláta hjólhesti. Ég hafði skoðað nokkur hjól þegar ég rakst á eitt sem mér leist alveg einstaklega vel á. Blána hjólhest af gerðinni Cross country.

Þegar ég gekk út með nýja hjólið mitt fór ég að hugsa um það þegar ég lærði fyrst að hjóla. Ég man það sem gerst hafi í gær. Þegar pabbi sagði að það væri tímabært að taka hjálpardekkin af og sleppti mér niður sundlaugarbrekkuna á Húsavík. Ég var svo ofsalega hræddur en svo flaug ég bara áfram. Og þannig hefur það verið í dag. Ég þeysist um allan bæ eins og riddari á hesti.

Annars er lítið að frétta af mér. Ég vinn og sef og vinn og sef. Minstrið var þó aðeins brotið upp í dag þar sem ég var bara að vinna til 6 á Fréttablaðinu og fór þá á Grensásvideó þar sem ég var að vinna í kvöld. Á leiðinni þangað tók ég mynd af þessu umferðarskilti. Fannst bara rétt að deila því með ykkur hinum að akstur dráttarvéla er bannaður á Miklubraut frá 7:30-9:00 og aftur frá 16:30-18:30 alla virka daga. Þetta er náttúrulega stórundarlegt.

Lesa meira »
(Engin ummæli)

Þá er komið að tónlistarþraut #2. Hér að ofan eru 4 myndir. Það sem tengir þær er að myndefnið kemur allt fyrir í einu erindi lags sem var ansi vinsælt um miðjan síðasta áratug. Hvaða lag er það og hver flutti?

Sá eða sú sem getur svarað rétt hlýtur að launum lostafullt stefnumót við undirritaðan. Góðar tilgátur verða einnig verðlaunaðar. Sigurvegari síðustu þrautar var Benedikt Þorri Sigurjónsson en bestu tilgátuna átti Margrét Maack. Þau geta vitjað vinninga sinna þegar þeim hentar.

Svo bendi ég að lokum öllum á að taka þátt í Allt leiknum á vísi.is sem ég sé um. Svörin er öll að finna í Allt vöru- og þjónustuskrá og vinningarnir eru ekki af verri endanum. Dregið verður úr réttum svörum í beinni útsendingu á Bylgjunni 20. júní.

Lesa meira »
(Engin ummæli)

Þegar þetta sumar verður liðið, mun gærkvöldið án nokurs vafa vera á topp 3 yfir sérkennilegustu kvöld sumarsins.

Ég var að vinna til 12 og eftir það héldu ég, Atli, Gunni og Smári niður í Laugardal í körfu. Þetta byrjaði nú bara allt frekar venjulega þangað til buxurnar rifnuðu utan af Gunnari og eftir það varð ekkert samt. Til að sýna honum andlegan stuðning þá ákváðum við Atli að fara úr buxunum okkar líka. Ekki þótti okkur það samt alveg nógu mikill stuðningu svo úr varð að við fórum úr bolunum líka. Eftir stóðum við á brókunum á vellinum fyrir utan félagsheimili Þróttar. Eins og svo oft þegar við erum þarna að spila þá var samkoma í gangi hjá Þrótti og vöktu þessi brókarklæddu körfuboltamenn mikla athygli viðstaddra. Það varð því úr að nokkrir Þróttarar stofnuðu lið og mættu út til að keppa við okkur. Þeir voru allir jakkafataklæddir en við á brókunum. Þetta var náttúrulega algjör snilld og við spiluðum ótrúlega lengi við þá. Þegar leiknum lauk loks vorum við orðnir blóðugir en þeir allir í rifnum, blautum og blóðugum jakkafötum. Sem betur fer voru þeir frekar ölvaðir og voru því ekkert að láta það trufla sig.

Eftir þennan frábæra leik sem Þróttur vann reyndar, fórum við aftur í fötin og fórum heim til Smára. Þar var boðið upp á rauðan chilli pipar í massavís. Ég verð að mæla með þessu við alla þá sem finnst gaman að brenna að innan, því þeir sem hafa smakkað vita að chilli pipar er gríðarlega sterkur. Ég át tvo heila og það var bara eins og maður væri með litla djöfla inni í sér. Gríðarleg karlmennska og fábært kvöld í alla staði

Núna er klukkan að verða 6 og ég er varla kominn á fætur ennþá, enda er maður ennþá að jafna sig eftir gærkvöldið. Planið er að elda kvöldverð, gera teiknimyndir og svo bara aftur niður í Laugardal með strákunum. Í fötunum samt í kvöld.

Góðar stundir.

Lesa meira »
(Engin ummæli)