nei ég bara spyr?

Lesa meira »
(Engin ummæli)

Í tilefni af degi íslenskrar tungu var haldin ljóðvaka í Þróttó í kvöld. Skuggalega lítill munur var á fjölda lesenda og áhorfenda en létu lesarar það ekki á sig fá. Ég flutti ljóðið Barn eftir Stein Steinarr. Saman fluttum við Jóhann Gunnar Tímann og Vatnið eftir sama höfund og var það hluti af ljóðagjörningi. Að lokum fluttum við Kolbjörn svo Hávamál, öll 164 erindin. Gaman að segja frá því að þegar lestrinum lauk voru ekki bara allir áhorfendur horfnir úr salnum heldur var Kolbjörn líka víðsfjarri. Það var hressandi að lesa fyrir auðum stólum. Ég huxa að næsta verkefni verði Passíusálmarnir þegar nær dregur jólum. Góðar stundir.

Undir nálinni: Earlimart – Treble & Tremble

Lesa meira »
(Engin ummæli)

Ég er stöðugt á ferð og flugi þessa dagana. Síðustu helgi dvaldi ég í Reykjavík við vinnu og í gærkvöldi gerði ég mér ferð til Akureyrar. Verður hér í nokkrum línum sagt frá hvoru tveggja.

Á föstudaginn tók ég flugið suður og var mættur í vinnuna seinnipart dags. Það er alltaf jafn gaman að mæta því mér er alltaf fagnað eins og þjóðhetju þegar ég mæti. Eitthvað sprell í gangi þar. Eftir vinnu á föstudaginn hitti ég Gest og við fórum í litla afmælisveislu til Ástríðar. Hún hafði bakað kökur sem erfitt er að lýsa í fáum orðum. Þær brögðuðust mjög vel en útlitið var ólíkt öllu öðru sem ég hef áður séð. Þetta málverk eftir Salvador Dali lýsir kannski best þessari upplifun. Eða bláa súpan sem Bridget Jones gerði á afmælinu sínu. Allt gott um það.

Ég var á laugardagsvakt á Fréttablaðinu með Emilíu systur minni og það þykir mér alltaf mjög gaman. Það er þægileg tilfinning að vita af henni í húsinu. Ágætis vakt sem endaði reyndar í hörmungum þar sem tölva hrundi, forsíður hurfu og Fréttablaðið á sunnudegi var einungis hársbreidd frá því að vera prentað í 100.000 eintökum með rauðum föstudags-borða efst á forsíðunni. Rétt slapp þó.

Á sunnudaginn fór ég í fyrri bókaleiðangur vikunnar. Ég heimsótti Iðu og Pennan. Afrakstur leiðangurins voru tvær bækur: Emily the strange og An incomplete education. Ég verslaði mér líka nokkrar kvikmyndir, m.a. hinar frábæru myndir Groundhog Day og Hitchhiker’s guide to the Galaxy.

Seinnipart sunnudags var tímabært að halda heim en vegna slæms veðurs fyrr um daginn höfðu verið töluverðar tafir á flugi og mátti ég því bíða dágóða stund á flugvellinum. Við hlið mér í biðsalnum sat landsþekktur maður og það var gaman að sjá hvernig aðrir ferðalangar voru stöðugt að rannsaka hann, án þess að láta mikið fara fyrir því.

Í gærkvöldi fór ég svo í síðari bókaleiðangur vikunnar með þeim Andreu og Alexöndru. Við fórum í Pennan á Akureyri en þrátt fyrir mikla leit að spennandi lesefni fann ég ekki nema eina bók sem vakti verulegan áhuga minn: Kennslubók í fjölmiðlafræði. Ég hef reyndar lokið áfanga í fjölmiðlafræði með annari bók en þessi verður eflaust ágætis lesning. Eftir bókakaupin fórum við í Bryju, enda hafði Alexandra aldrei prófað Bryjuís. Eftir Ísinn var okkur orðið ansi kalt og fórum því á Bláu könnuna og hituðum okkur upp með bolla af heitu kakói. Eitthvað voru gestir kaffihússins farnir að gefa okkur auga, enda vorum við ekki beit siðsamleg þar.

Að lokum er gaman að segja frá því að elsta lifandi dýr heims, skjaldbakan Harriet fagnar 175 ára afmæli sínu í dag. Hún var upphaflega í eigu Charles Darwin. Góðar stundir.

Lesa meira »
(Engin ummæli)

Í gær fórum við Alexandra í leiðangur til Akureyrar sem varð hin besta skemmtun. Markmið ferðarinnar var að festa kaup á forláta rafmagns-orgeli sem Ingimar vinur minn var að selja, en hann er núna fátækur námsmaður í Noregi. Eftir orgelkaupin var runnið þvílíkt kaupæði á mig að við fórum í Pennann og þar keypti ég bókina „501 movies“ sem á eflaust eftir að verða ágæt lesning. Í Pennanum keypti ég einnig myndina „Lemony Snicket’s A series of unfortunate events“, en ég sá hana tvisvar í bíó og skemmti mér jafnvel í bæði skiptin. Eftir þessar stórfjárfestingar var ég orðinn óstöðvandi í innkaupunum og næsta stopp var í Byko, en þar fjárfesti ég í frábærri uppþvottavél sem ég ætla að gefa ömmu minni. Á leiðinni úr bænum komum fórum við svo á Subway en ég var eitthvað lítið svangur, don’t know why? Ein innkaup til viðbótar voru gerð á Akureyri en þau verða ekki tíunduð hér að sinni! Á morgun held ég á vit ævintýranna í höfuðborginni. Góðar stundir.

Lesa meira »
(Engin ummæli)

Eins og þeir vita sem þekkja mig, þá hef ég mikið dálæti á kvikmyndaleikstjóranum Alfred Hitchcock. Hann leikstýrði á sjötta tug mynda og gerði einnig fræga sjónvarpsþætti og áhrif hans á kvikmyndagerð munu vara um ókomna tíð. Í vor gerði ég vefsíðu um hann og ætla ég að nota tækifærið og benda lesendum mínum á hana. Mér fannst skortur á góðum upplýsingum um hann á Íslensku. Slóðin er http://www.cinema.is/hitchcock/. Góðar stundir.

Lesa meira »
(Engin ummæli)