Það eru ekki margar myndir sem eru svo góðar að þegar maður er búinn að horfa þá langi mann bara að spóla á byrjun og horfa aftur á hana, en kvikmyndin Amelie er án efa ein þeirra.

Horfði á hana með Emilíu systur minni í kvöld og við vorum alveg heilluð. Myndin segir frá lífi franskrar stúlku, Amelie en inn í hana koma margar litlar sögur af fólkinu í kring um hana. Amalie finnur gamalt blikkbox í íbúð sinni og í því eru fjöritíu ára gömul leikföng lítils dreng. Ameli ákveður að finna manninn sem átti leikföngin og upphefst mikil leit. Viðbrögð eigandans láta ekki á sér standa og upp frá þessu ákveður Amelie að gera allt sem hún getur til að bæta líf annara. Það er hin unga leikkona Audrey Tautou sem fer með hlutverk Amelie. Falleg saga, bland af gamanmynd og ástarsögu.

Lesa meira »
(Engin ummæli)

Ég vissi ekki alveg hvað ég var að fara að sjá þegar ég fór á Runaway Jury en þó var nokkuð ljóst að þarna væri á ferðinni góð mynd, enda skartar hún eðal leikurum í öllum helstu hlutverkum. John Cusak hefur alltaf verið einn af mínum uppáhalds leikurum og hann bregst ekki í þessari mynd. Myndin fjallar um réttarhöld þar sem kona höfðar mál á hendur skotvopnaframleiðendum í kjölfar morðs á eiginmanns hennar. Gene Hackman leikur harðsnúinn réttarsérfræðing sem stjórnar vörn skotvopnaframleiðanda bak við tjöldin en Dustin Hoffman fer með hlutverk sækjanda. Myndin er ágætis afþreying og um að gera að kíkja á hana.

Lesa meira »
(Engin ummæli)

Ég ákvað þegar Kill Bill: Vol. 1 kom í kvikmyndahús á sínum tíma að bíða með að sjá hana þar til sú síðari kæmi í bíó og horfði því á þær í röð. Myndin var ætíð hugsuð sem ein heild en vegna lengdar og afskipta dreyfingaraðila var ákveðið að skipta henni í tvo hluta. Það er mjög sniðug ákvörðun markaðslega séð, enda er innkoman helmingi meiri fyrir vikið.

Þó myndin hafi upphaflega verið ein heild þá eru hlutarnir mjög ólíkir. Fyrri myndin einkennist af kröftugum bardagasenum og miklum blóðsúthellingum en hin síðari er meira að segja söguna. Myndirnar eru mjög vel gerðar og átti maður svosem ekki von á öðru frá meistara Tarantino.

Myndin er mjög skemmtilega unnin, mikið af löngum skotum sem takast mjög vel, enda er það mín skoðun að best takist til þegar maður tekur sem minnst eftir vinnslunni. Tónlistin í myndinni gerir líka mikið fyrir framsetningu sögunnar. Mér finnst takast mjög vel til og gef Kill Bill heildinni 4 vel verðskuldaðar stjörnur.

Lesa meira »
(Engin ummæli)

Myndin segir frá nokkrum drengjum sem alast upp í Cidade de Deus fátækrahverfinu í Rio de Janeiro og taka hver sína stefnuna í lífinu. Þarna er á ferðinni mjög þétt mynd og vel skrifuð. Kvikmyndataka og klipping er líka mjög vönduð. Tónlistin í myndinni er einnig mjög skemmtileg.
Myndin er á Portúgölsku og því nauðsynlegt að lesa textan en það er alltaf dáltið önnur tilfinning en þegar maður horfir á myndir á ensku. Ég gef City of God 4 stjörnur.

Lesa meira »
(Engin ummæli)