Ég vaknaði ógurlega snemma, eða nánar til tekið klukkan 6:30. Ég átti eftir að borða morgunmat og bruna svo upp á Lauga og í vinnuna. Þó að ég hafi kannski ekki beint gaman af vinnunni þá lætur maður sig nú hafa það að vinna auka vakt, sérstaklega þegar maður hefur ekkert að gera og fær tvöfallt kaup. Það var bara unnið fram að hádegi og þá fór ég heim í Holt og slappaði þar af í dágóða stund.

Um klukkan 4 fór ég svo af stað til Húsavíkur. Þegar þangað var komið fór ég með Ömmu í búð að kaupa í matinn, enda veitir ekki af þegar ég er í heimsókn. Síðan fengum við okkur kvöldmat og svo fór ég út.

Ég kíkti fyrst til Gumma og þar voru hann og Pétur staddir. Ég fékk að skoða myndir úr sólarlandaferðinni sem þeir fóru í ásamt fleirum nú nýlega. Síðan ræddum við verslunarmannahelgina og við erum á því að fara í Eyjar. Það verður eflaust skemmtun mikil. Eftir að hafa hangið inni í nokkra stund ákváðum við að skella okkur á gólfvöllinn. Með snilldartötum og mögnuðum sveiflum tókst okkur að gera 9 holu gólfvöll Húsavíkur að 200 holu gólfvelli. Sem betur fer vorum við bara á æfingarvellinum. Síðan ákváðum við að kíkja á heita lónið þar sem krókódílarnir koma bráðlega en það er þarna skammt undan. Svo fór að lokum að ég demmdi mér út í og líkaði það bara vel.

Síða rúntuðum við um og fórum m.a. í partý hjá Halla Orra. Svo var rúntað fram á rauða nótt og ég sofnaði að lokum í bílnum.

Lesa meira »
(Engin ummæli)

Ég vaknaði einn heima eins og undanfarna daga. Það var sól og blíað og ljóst að sumarið er loksins komið svo ég ákvað að rölta bara í vinnuna. Eftir vinnu fór ég niðrá Húsavík í mat til Ömmu Millu. Síðan fór ég bara upp í herbergi og fór að sofa.

Lesa meira »
(Engin ummæli)

Ég vaknaði og fór í vinnuna klukkan átta. Kom heim klukkan fjögur og fór að sofa. Vaknaði aftur um miðnætti og horfði á eina bíómynd og fór svo aftur að sofa. Þetta var ágætis mynd en ég man ekki hvað hún heitir. Ég held að dagarnir séu allir að verða eins.

Lesa meira »
(Engin ummæli)

Vaknaði og fór í vinnuna. Kom heim og hringdi í Pétur vin minn og bauð honum að koma í mat. Fengum okkur Pizzu úr Laugaseli og horfðum á Austin Powers. Svo fórum við á rúntinn og síðan kvaddi hann. Þá varð mér hugsað til Evu Lindar. Það er nefnilega búið að vera að spila auglýsingu í útvarpinu í allan dag um konu sem ætlar að lemja manninn sinn af því að hann borðaði seinasta íspinnan úr frystikistunni og alltaf þegar ég heyrði hana var mér hugsað til Evu

Hún er að vinna í blómagenginu í Eyjum og sagði mér að það væri ekki vit í neinu öðru en að fara á þjóðhátíð. Ég er enn að hugsa máli. Eftir að ég talaði við hana ákvað ég bara að fara að sofa.

Lesa meira »
(Engin ummæli)

Ég vaknaði spenntur í morgun, enda fyrsti dagurinn minn í vinnu. Ég fékk mér cheerios og fór síðan hjólandi yfir í Laugafisk. Þetta er svona vinna þar sem maður talar ekki mikið og kynnist ekki mörgum. Þó náði ég ágætlega saman við strák frá Akureyri sem er að vinna þarna og heitir Hólmgeir. Ég var með honum á bretti allan daginn. Í hádeginu kíkti ég heim en hélt svo áfram. Í dag vorum við að raða flökum á bretti, svaka stuð. Ég er samt með útvarp á hausnum svo þetta er alveg þolanlegt í átta tíma. Svo hefur maður svo góðan tíma til að hugsa.

Eftir vinnu fór ég heim og er búinn að liggja í leti í allt kvöld. Horfði á myndina American sweetharts og er að spá í að fara bara að sofa núna, enda er klukkan að verða eitt og vinna klukkan átta í fyrramálið. Góða nótt.

Lesa meira »
(Engin ummæli)